日前馬國明和湯洛雯（靚湯）被爆出新戀情後，兩人隨即在IG貼出獨角獸和小馬公仔的照片確認戀人關係，得到不少身邊朋友和網民的祝福，昨日靚湯要開工拍外景，被傳媒追問新戀情時，一臉甜絲絲，更坦承見過家長，而父母均對「未來女婿」十分滿意，畀足100分。
單身了兩年的靚湯，跟馬明拍拖兩個月，被記者問到雙方是否都以結婚做前題拍拖？靚湯笑言未有咁快：「都會似普通情侶咁傾吓將來，但唔會好認真討論，哈哈！兩個人都係朝住呢個方向嘅，之前都有講如果搵到啱嘅人，都唔會瞞大家，自己都想一生一世，但佢係咪咁諗就唔知啦！」
靚湯更大讚男友馬明有五大優點，包括：孝順、善良、冷靜、成熟、穩重，給她安全感，而且兩人都是佛系、夠宅及孝順，有共同話題，問到父親節將至，會否和馬明跟家人一起慶祝？靚湯說：「度緊期，有機會有時間咪一齊慶祝囉！」
對於得到不少人的祝福，湯洛雯表示好感恩，與馬明二人更同時間在IG的限時動態出post，貼上代表兩人的公仔相，窩心留言：「獨角和小馬跟大家說：大家全部窩心的祝福我們全收了，我們會懷着感恩珍惜的心一直走下去。」講到好姊妹兼馬國明舊愛黃心穎透過媒體祝福二人，問到靚湯可有跟心穎聯絡？她表示：「多謝佢嘅祝福，但自佢舊年去咗美國之後，我哋都冇乜聯絡，都唔係太了解佢近況。」對於有指她接收了好友黃心穎的舊愛和工作，洛雯說：「其實都係…緣份，我同佢一齊係冇計劃嘅。」被問見到心穎會否尷尬？她說：「暫時唔會諗，仲未發生，亦唔識回答。」
圖：IG、中通社
